و الله عيب عليكوا
January 14, 2007
اه انا متعود على الموضوع ده بس برضوا غريبة
قوم ألاقى التيمة بتاعة المدونة بايظة و صفحة التعليق مبتفتحش أساسا
و محدش يقولى . طيب ايميل صغير
أى حاجه .. عيب عليكوا و الله
المجمع…. كريم و صدام
December 30, 2006
بصراحة علاء كان صعبان عليه و كان لازم يعمل كده … يا ريت الناس تدوس على إعلان فى كل زيارة للمجمع
عشان تتجمع فلوس الإستضافة و تكاليف المجمع اللى بقيت وهمية.
على الأقل بالنسبة لي
فكلاهما لا أملك ذرة تعاطف معه
بل بالعكس … أتمنى محاكمتهم.
ولكن أى محاكمة
محاكمة هزلية كما حدث لصدام
أم تعسف و ظلم و حبس إنفرادى كما يحدث لكريم
أنا لست ضد حرية الرأى فى موضوع كريم
من حقه أنه يكفر
و لكن مش من حقه أنه يسب المسلمين
و فى نفس الوقت من حقى أنى أبقى مسلم
بس مش من حقى أنى أسب غير المسلمين
بهذه البساطة
أنا مع محاكمة كريم
و لكن محاكمة مدنية طبقاً للقانون كأى شخص آخر.
بدون أى تمييز أو تعصب .
محاكمة مدنية مش من بتوع أمن الدولة .
ميكفر ولا يتنيل.
القانون يعاقب على أفعال معينه و لا يعاقب على الدين
حاكموه على أفعاله و ليس على عقيدته.
فقط عاملوه كما يعامل البقية …
أما صدام (فى رأيى) فكديكتاتور و سفاح هو يستحق الإعدام
و لكن أيضا كان يستحق محاكمة عادلة و ليس مسرحية هزلية..
من الممكن أن اكون مخطأ فى التشبيه ككل ..فقط اردت توصيل الفكرة
ضد حجب المدونات|تونس
December 23, 2006
يوم الأثنين القادم
ننشر تدوينة لا تحتوى إلا على شعار الحملة
سرقة كمان و كمان
December 19, 2006
http://ahmedhelmasry.blogspot.com/2006/12/blog-post_17.html
From: http://shokeir.blogspot.com/2006/12/blog-post_19.html
UPDATE :http://www.egyman.net/2006/12/21/teenstuff-apologizes/
الموضوع خلص خلاص و الراجل حياخد حقه 
أحمد وراء كل صورة يلتقطها قصة ومجهود ذهني حتى تصبح قطعة فنية
أحمد عندما يكون لديه فكرة معينة تحتاج لأسطر عديدة وكلمات كثيرة تعبر عنها يختزل أفكاره في صورة
أحمد إذا كان يلتقط صوره في كسر من الثانية تبعا لسرعة اللاقط فكثير لايدري أن هذا الكسر من الثانية وراءه مجهود أيام وليالي
أحمد مثل أي مبدع يحتاج لتشجيع الآخرين بالتعليق على صوره ولذلك نشرها في وقع فليكر حوالي مائة وعشرون صورة
أحمد كان يتابع يوميا التعليقات التي تشيد بصوره وتشجعه على مزيد من الإبداع
أحمد كان يتمنى أن تصل صوره يوماً ما إلى معارض التصوير الفوتوغرافي أو الصحف والمجلات
أحمد
كان يتمنى جنيهاً واحداً يدخل جيبه من وراء مجهوده الإبداعي ولن ينفقه
فسوف يكون أغلى جنيهاً في حياته حيث يكون نتاج أحب الأعمال إليه
أحمد راجل طيب وحط علامة الكوبي رايت © على صوره في موقع فليكر
© All rights reserved
أحمد إكتشف إن إحدى صوره الإبداعية ، بل أكثر صورة نالت أكبر عدد من التعليقات تعدت الستون منشورة في مجلة تين ستاف
أحمد
لم يكن ليبخل ان تنشر صورته في المجلة مجاناً بل كان يتمنى ذلك ، ومطلبه
بسيط جداً ولن يضير أحد وهو أن تذيل الصورة بإسمه تصوير : أحمد
كده بكل بساطة بضغطة واحدة (سيف بيكتشر آز) وحُطها مع شوية الكلام وإنشر ياجدع في المجلة وإطبع ووزع
ليست في دعاء سامي التي وُجدت الصورة في تحقيقها ولكن في المحرر الفني
الحرامي اللي حافظ عنده شوية صور مسروقة عمّال ينقي منها الأنسب لموضوعه
كل واحد أخد من وقته دقيقة واحدة وبعت للإيميل ده يستنكر ماحدث أوعلى
الأقل يعمل كوبي وباست من البوست ده ، هايكون إتصرف بإيجابية ويكون بجد
شارك في عودة الحق لأحمد اللي متأكد إنه حقه هايعود بإيجابيتكمتيجي نتحدي أنفسنا ونشوف هانقدر ولا لأ ؟
أول رمضان | سنة كاملة تدوين
September 24, 2006
بقالى سنه بالتمام و الكمال فى عالم التدوين
بدأت مدونتى القديمة فى 24 سبتمبر 2005
بدأت المدونة الحالية فى يناير 2006 و أغلقت القديمة نهائياً
تعرفت على عالم المدونات عن طريق مالك و تابعت المدونات لمده شهر قبل أن أقرر بدأ مدونتى الخاصة
كنت كل ما أقرأ تدوينه لشخص أقول لنفسى ..أنا حروح فين فى وسط الناس دى
طيب حكتب ايه
الكلام ده كان فى عز فترة إنتخابات الرئاسة .. فكان الكلام بطبيعة الحال معظمه سياسى
و كنت أنا إلى حد ما جاهل سياسة و إن لم يكن جهلا تاما
المهم كتبت وخلاص
بدأت اكتب عن كل حاجة تقابلنى
أو موقف أعلق عليه
و أهو ماشى كده لغاية النهارده
و مبسوط جدا و حاسس إنى كان حيفوتنى كتير جدا لو مدخلتش التجربة دى
لمدونة القديمة فيها حولى 13 موضوع و مش اكتر من 10 تعليقات دا إن كملوا اساسا 
المدونة الحالية فيها 130 موضوع و 380 تعليق من يناير حتى الان
التدوينتين اللى جايين حعيد نشر أول موضوعين كتبتهم فى مدونة أملكها
لماذا تكسب اسرائيل الرأى العام دائما
August 20, 2006
انا كنت بستغرب جدا من الموضوع ده
و كنت ببرره بالحاجات اللى اتربينا و احنا بنسمعها
زى سيطرة اليهود على وسائل الاعلام و اللوبيهات الكتيييير
طبعا الكلام ده جزئيا صحيح بس مش هو الاجابة كلها
من فترة دخلت على المدونة دى
من خلال التعليقات المنقشات رسائل الاعتراض او رسائل الشكر
المهم روحت على الموقع الاسرائيلى و نزلت برنامج صغير بيجيب الاحداث و المواضيع اول باول
دى افتتاحية الموقع
Today’s conflicts are won by public opinion.Now is the time to be active and voice Israel’s side to the world.
فى اول نص ساعة بس من استخدامى لبرنامج
جالى 5 رسايل على خمس مواضيع
اول واحدة كانت
فروحت اقول thanks Reuters
و دى كانت رسالة الموقع
Notice how this reporter says the truth: ‘’Ahmadinejad has [dismissed]
the Holocaust as a ‘myth’. Nazi Germany killed six million European
Jews in World War Two’’. Additionally, many Jewish leaders are quoted
stating their disgust from Iran’s lies.
if you’re a blogger, please blog about our success with Reuters!
والكلام ده شغال على الموضوع بتاع نيكول كيدمان و على كل موضوع على اى بلوج عادى ممكن يخطر على بالك
يا يروحوا يهاجموا يا يروحوا يشكروا
و احنا نايمين فى العسل لا سوررى … فى الخراء
طبعا لو حد اتكلم على حاجة زى كده عندنا
حيلاقى 100 واحد يقولوا ايه التخلف و الرجعية دى
و واحد يقوله اتشطر على اللى فى بلدك الاول
و واحد ظريف حيقوله متيجة تعلن الجهاد على النت احسن جاتكوا نيله جايبنا ورا..
صح ولا انا غلطان… هو ده اللى حيحصل ولا لأ
Technorati Tags: Israel Bloggers public_opinion egypt lebanon
