اول مرة فى حياتى أمشى فى مظاهرة
 بصراحة كنت مرعوووب و فكرت كذه مره انى مروحش لكن زيارة واحدة لمقهى الانترنت وطله اصغر على تدوينة جار القمر خلتنى مصمم اروح
أنا مش حوصف المظاهرة لان فى ناس كتيرة اوى حتوصفها و انا مش بارع اوى فى الوصف بينى و بينكوا
فحقول شوية حاجات بس
 
تفاعل الناس كان جبار يتراوح بين الفرحة و عدم التصديق و الشك فيما يقال و من يقوله
فى بنت مسيحية صغيرة .. يعنة ثانوى كده.. لما قلنا الاعتذار للأقباط رفعت حواجبها فى دهشة و قالت لزميلتها (المحجبة) اللى واقفه جنبها : يا سلاااااام بعدم تصديق و زهول تام 
 وفى ناس طلعت تزغرت و ناس مسكت اعلام مصر فى البلكونات وناس عماله تبص من بعيد و تتكلم فى سرها معانا بس قلقانين يدخلوا
عارفين ليه
عشان ام الشعارات الكتير بتاعت ستين مليون حزب و حركة
هدف المظاهرة كان واضح لازمتوا ايه بقى حزب فلانى و حركة علانى
معظم اللى واقفين كان راهبهم الموقف ونفسهم يدخلوا بس كمية الشعارات و اسامى الاحزاب كانت مخوفاهم
لكلام ده من الناس للناس
المفروض يعنى!!!!ا
 اللى ضايقنى ان الهتافات شطحت فى الاخر بعيد عن الموضوع الرئيسى
دا حتى فى مرحلة من المراحل الناس كانت بتقول مصر على الطبلة زى ما كانوا بيشجعوا فى كأس الامم
و على وتيرة مصر و نيجيريا بيلعبوا بتشجع مين
بدأ مالك و علاء يشجعوا ماليزيا
دوم دوم   دوم دوم ماليزيا )  

المظاهرة كانت من امتع و احسن الايام و الاحداث فى حياتى
 عارف لما تقف فى وسط ميدان و تصرخ بأعلى صوتك و تقول كلمة حق
واللى واقف جنبك بيقول معاك
 انت مش فى دماغك دا مسلم او مسيحى مش فارقه دا اخوك واقف بيهتف معاك كتفه فى كتفك
ميفرقش عنك فى حاجه خالص
بيحبك .. اه و الله بيحبك
 وانت بتحبه … تصدق
 ليه..؟  سؤال غريب
عشان مصرى طبعا
عشان مصرى و بس
لا يهمنى لونك لايهمنى دينك لا يهمنى عنوانك
يهمنى الانسان 
مصر بتاعتنا كلنا
مسلمين و مسيحيين
و مسيحيين و مسلمين
الصليب مع الهلال
و الهلال مع الصليب 
لما الهتاف بيعلى كنت بتشوف فى وشوش الناس (مسلم و مسيحى) حاجة غريبة
أمل على فرحة على استغراب 
زى ما يكونوا نفسهم يقولوا الكلام ده من زمان و مش قادرين
او مش عارفين 
الموضوع اقل ما يوصف بيه انه جميل
بكل ما فى الكلمة من رقة و رقى و روعه
لو كنت فوت اليوم ده كنت ضربت نفسى مليون بتاعة
كنت حموت على كاميرا و حرمت امشى من غيرها بعد كده
 
زعلت اوى عشان اضطريت امشى بدرى (7:30كده)عشان الحق اخر قطار
و مستنى التدوينات تنزل عشان اعرف ايه اللى حصل 
 
انا برضة مش مقتنع ان اللى حصل ده كفاية ولازم المظاهرة دى تتعمل فى الاسكندرية
لازمان وحاتمان و ضارورى 
الصور الوحيدة اللى نزلت لغاية دلوقتى عند بيج فاروه 
 
ملحوظة: 
احساس جبار و احنا واقفين فى وسط الميدان و بنشاور على صورة مبارك وبنقول الحرامى اهوه
جباااااااااااااااااااار 
Advertisements

 

ليكن المواطن المصري نصحي جرجس آخر ضحايا الطائفية والتعصب في مصر

دعوة للتظاهر

الخميس 20 ابريل الساعة الخامسة مساء

دوران شبرا – محطة مترو روض الفرج

هل الأمن متواطئ ؟
لا أقل من القبض على القتلة ومعاقبتهم ..

لا للطائفية .. لا للتمييز الديني .. لا لاضطهاد المسيحيين
نعم للمساواة .. نعم لحرية الاعتقاد

 

حسبي الله ونعم الوكيل اقولها مع اخي المسيحي المظلوم …علي…اخي المسلم الظالم

ولا يقلل ذلك من اسلامي في شئ

حسبي الله ونعم الوكيل

حسبي الله ونعم الوكيل

حسبي الله ونعم الوكيل

هلا قلتم معي اذن

اللهم اني ابرا اليك مما صنع هؤلاء ؟؟؟

تدوينة ابن عبد العزبز

انا لما قريت التقرير التانى بتاع جار القمر مبكيتش المره دى لأ

قعدت اسب و ألعن 10 ساعات و بقيت ماشى فى الشارع اكلم نفسى

العالم ولاد الكلب و لعوا فيها

الكلام ده مش لازم يعدى

يا عتاولة حقوق الانسان و التدوين فى مصر حتعملوا ايه؟؟؟

البيانات و الشعارات فى المدونات مش كفاية المره دى

لازم يكون فى حركة على الارض

حاجة تطلع تقول وقفوا الجنون

و تفهم الناس الحقيقة و الصح

انا معرفش اى حاجة فى العمل الميدانى بس لازم نعمل حاجة

تتطبع بروشيرات و تتوزع على الناس و ننزل نكلم الناس ى الشارع

نعدى على كل بيت زى مبيعملوا مرشحين الكونجرس الامريكان فى الانتخابات

نعمل مظاهرات سلمية و مؤتمرات شعبية مش عشان البروباجاندة لأ

عشان نفهم و نوعى الناس من الجهل العميق اللى غرقانين فيه حتى النخاع

الموضوع ده لازم يترد عليه بسرعة من المسلمين بالذات

احنا مديونين للإخوة الاقباط بده

دا دين علينا ليهم ان احنا نوعى الناس

مش غلطتهم و مش المفروض يدفعوا دمهم نتيجة جهل الناس

لأ

لأ

لأ

هى كلمة واحده

لأ

الموضوع ده مش حيعدى زى اللى قابله

أنا لما قرات المقال ده مقدرتش امسك نفسى و قعدت اعيط

ازاى وصلنا لكده

مسلمين و مسيحيين … ازاى سيبنا نفسنا لما بقينا بالمنظر ده

و الله حقوكوا تزعلوا و تتظاهروا و تعملوا اللى انتوا عايزينوا

بس يا جماعة احنا مش و حشين

فينا و حشين و متعصبين و متخلفين

بس مش كلنا

دا مش ديننا

لنتوا بقالكوا كتير مظلومين فى البلد دى..انا عارف

بس لما انتوا تستسلموا للكره حيحصل ايه

حتولع نار

و الله احنا كويسين

بس هو الجهل و التخلف الازلى فى بلدنا اللى بيخلى التعصب الغبى ده موجود

انا كونى مسلم بيفرض عليه فى وقت زى ده انى اعتذر لكل قبطى فى مصر

ممكن الكلام ده تعتبروه اهبل او ملوش لازمه

بس انــــــــــــــــــا اســـــــــــــــف

بجد انا اسف لكل مسيحي فى مصر

سؤال سهل و بسيط

لماذا يفترض بعض المدونين أن البلوجوسفير هو مجتمع للمثقفين و المفكرين المصريين و حكر عليهم؟

ليه المدونه صاحبها لازم يكون له رأى سياسى صارخ او دعوة لاصلاح او افساد -وجهات نظر- المجتمع المصرى

ليه المدون لازم يكون ليبرالى او علمانى او اخوانى او لا دينى او… اى اتجاه ابن حلال فى الدنيا

كانت مجلة اون لاين كاتبة مقال عن المدونين مش فاكر عنوانه بالظبط بي كان حاجة زى كده  "المدونين: فيهم

 الادباء و المفكرين و الهلافيت كمان

يعتى انا لو  بكتب عن حاجة بتخصنى انا بس و مش شأن عام و مش فناو ادب ابقى هلفوت

من فترة قرأت مش فاكر فين دعوة لانشاء اتحاد او رابطة للمدونين على اعتبار ان المدونين هم مفكرى مصر الواعيين بواقعها و طرق اصلاحها

المدونات مش المفروض انها تمشى فى اتجاه واحد او يجمعها اى حاجة

كل واحد يكلم فى اللى هو عايزه و له الحق ان محدش يقول عليه هلفوت مهما كان اللى بيكتبه لا يعنى للناس التانية حاجة خااااالص

اما موضوع الرابطة فده موضوع منتهى لان رابطة بالمنظر ده نتيجتها عك بحت المفروض يبقى اسمها

رابطة العكاكين الاحرار

I’m in love

April 7, 2006

Seriously…I’m in love with the all meanings of the word.

I’m in the Perfect love except for one thing… i haven’t found her yet.

I’m going through all the feelings and emotions,but it’s going to a person who exists only in my mind.

I don’t have any idea about how she looks , how she behaves or the tune of her voice , but i love her.

i swear of god i love her.

is this possible !!.. to love someone without having no idea about her or how she is supposed to be and just sit there …. waiting .

long ago i heared a song for Britney Spears i dunt remember the name now but it says “I believe we all have one true love .. some whewre in this world … i do”

that just says it all.

I duno if this is a common issue with people or … god i dunno what to say…anyway i felt the need to say this thing so i said it anyway …bye

Guys Apple decided that it’s time to enable running Windows shit on it’s Macs.

Now every body can install run and use Windows and Windows based programms on there Macs.

This feature is called "Boot Camp" and will be a main feature in the next official OSX 10.5 version code named " Leopard" P .

Well i really dunno if this is good or bad news , but it’s new D .

here is the link 

 

القاهرة مصراوى– بدأت نيابة الأموال العامة الاستماع إلى أقوال رئيس مجلس إدارة ورئيس تحرير الأهرام السابق إبراهيم نافع في البلاغات المقدمة ضده, والتي تتهمه بالإثراء والكسب غير المشروع والإضرار بالمال العام خلال فترة رئاسته لمؤسسة الأهرام.

 
جاء ذلك بعد أن رفض مجلس الشوري رفع الحصانة البرلمانية عن نافع واكتفى بالسماح له بالإدلاء بأقواله أمام النيابة العامة حسبما نقلت الجزيرة 
 
وقد عبر مصطفى بكري رئيس تحرير صحيفة الأسبوع وعضو مجلس الشعب وصاحب البلاغ ضد نافع عن تخوفه من تفريغ التهم من مضمونها وتبرئة نافع, معتبرا أن الإجراءات التي اتخذت حتى الآن غير كافية.
 
وطالب بكري في مقال بصحيفة الأسبوع بسرعة إنجاز هذه القضية التي قال إنها تهم الرأي العام المصري كله, معتبرا أن ما قدمه من أدلة يكفي لإدانة نافع.
 
وقد دفع نافع ببراءته من جميع التهم المنسوبة إليه, وشدد على التزامه بالقانون خلال فترة رئاسته مؤسسة الأهرام والتي زادت عن 23 عاما. 

ويتوقع ان تستمع النيابة العامة إلى أقوال نافع وآخرين خلال الأيام القادمة بعد قرار اللجنة الدستورية والتشريعية بمجلس الشورى بالإذن لإبراهيم نافع للإدلاء بأقواله في الاتهامات الموجهة إليه. 

وكان وزير العدل قد طلب من مجلس الشورى رفع الحصانة البرلمانية عن إبراهيم نافع للتحقيق معه في بلاغ مصطفى بكري وقد تضمن طلب رفع الحصانة اتهامات أساسية : 

– أنه سمح لشركات نجليه بالتعامل مع مؤسسة الأهرام بالأمر المباشر على غير القانون مما يشكل جريمة تربح . 

– أنه سمح للمشرف العام على الإعلانات بالأهرام وعضو مجلس إدارة الأهرام حسن حمدي بالمشاركة في تأسيس شركات " انترجروب " مع نجليه والتعامل مع الأهرام على غير القانون . 

– إهدار المال العام والتراخي عن تحصيل مستحقات الأهرام ووجود عمليات تدليس في تعاملات شركة رجل الأعمال إيهاب طلعت مع الأهرام .