تامر و نور
May 18, 2006
عيش اهبل تموت مستور
عيش عاقل تموت مقهور
احسبها وفكر واختار
وهادلك لو فكرك حار
دى نصايح سهله وبسيطة
تعملها تنفد بحياتك
تهملها تبقى ابن عبيطه
آخر حاجة اتعلمناها
كانت لسه امبارح العصر
كل حاجة ناوى تعملها
لازم تبقى فى حب مصر
زور وانهب واسرق واجرى
وابنى لك كام فيللا وقصر
واعمل زى توتو الأمور
زور شهادات جامعة وتجنيد
يمكن تبقى ف يوم دكتور
وان مسكوك حطوك فى حدي
د ماتخافش وخليك صنديد
امسك مصحف قول ماحصلش
دا انا فنان لسه ما حصلش
وشوف لك كام عيل مسطول
يهتفوا باسمك كده على طول
ومتنساش البانجو بتاعهم
لو هيفوقوا هتضيعهم
تفرق ايه عن ايمن نور؟
ده سؤال اهبل له تفسير
غيرك ساله كتير وكتير
ايمن عاب فى الذات العليا
ف الباشا ابو قلب كبير
وف ابنه الله يحرسهوله
ويشرف مصر بمقداره
ماهو شىء برضه علينا كتير
خليك جزمه فى رجل سعادته
تكسب توصل تبقى امير
شفت ازاى يابو مخ تخين
انت هتبقى نجم ملعلع
والتانى ويا المساجين
البسطويسى فى المستشفى
May 17, 2006
مش عارف ليه مش مطمئن للموضوع ده
زبانية السياسات
May 16, 2006
بزمتكوا مش زى ما يكون مشهد من فيلم رعب
ضد الإخوان لماذا؟
May 15, 2006
يا جماعة
انا عارف ان فى ناس كتير اوى ما بتحبش الاخوان المسلمين و منهم انا
انا بقى عايز اعلاف ليه
كل واحد كده يقولى هو ليه كبيحبهمش ايه عندهم غلط
او انت حتدافع عن الاخوان متعلقش من فضلك لان مواقع الدفاع عن الاخوان كتير اوى
انا الكلام اللى بلاقيه ضد الاخوان كله مرسل و مش محدد بعنى مطلعتش بسبب محدد يمكن هشان انا مدورتش كويس
عشان كده بأسأل
فوللى بقى .. مبتحبهمش ليييه؟
مطلوبين في تفجيرات سيناء يسلمون أنفسهم
May 12, 2006
يا ترى الداخلية عملت ايه عشان يستسلموا بالمنظر ده
العجز و الخوف
May 11, 2006
<img width=”349″ height=”244″ border=”0″ align=”middle” src=”http://static.flickr.com/54/144594924_ac590dfe90.jpg?v=0″ alt=”قلبى معاك…. بس مش لفترة طويلة مسيرى
بدو سيناء : الانفجار
May 2, 2006
بصراحة الناس دى بعد اللى بيحصل فيهم
لازم نتوقع الانفجار قريب
غباء رسمى
May 2, 2006
مره مبارك كان في امريكا بيزور حبيب قلبه بوش
وبيشرب معاه كوبايه شاي
فراح سائله
يا ترى فلسفه سعادتك في حكم امريكا ايه؟
رد بوش
انا باحرص دايما ان الناس اللى اعينهم يكونوا على قدر من الذكاء
رد مبارك و الغباء بيبظ من عينه
مش فاهم سعادتك
راح رافع سماعه التليفون و طالب كولين باول
الو كولين , ممكن اسألك سؤال ؟
كولين رد
بكل سرور سعادتك
بوش سأل
أمك عندها ابن و ابوك عنده نفس الابن لكن الولد ده مش اخوك
……….
يبقى مين؟
احتاس و غرق في عرقه وقال يا ترى فلسفه سعادتك في حكم امريكا ايه؟
رد بوش
انا باحرص دايما ان الناس اللى اعينهم يكونوا على قدر من الذكاء
رد مبارك و الغباء بيبظ من عينه
مش فاهم سعادتك
راح رافع سماعه التليفون و طالب كولين باول
الو كولين , ممكن اسألك سؤال ؟
كولين رد
بكل سرور سعادتك
بوش سأل
أمك عندها ابن و ابوك عنده نفس الابن لكن الولد ده مش اخوك
……….
يبقى مين؟
رد كولين على الفور
يبقى انا سعادتك
فشكره بوش و اغلق السماعه ثم قال لمبارك
هل فهمت ما اعني؟
هز مبارك راسه وهو مبسوط قوي و اول ما وصل القصر الجمهوري رفع السماعه و طلب نظيف
نظيف قوللى لما يبقى ابوك عنده ابن وامك عندها نفس الابن لكن الولد ده مش اخوك
يبقى مين؟
ممكن تديني فرصه افكر
قال مبارك
خد راحتك
خرج نظيف و طلب يعمل اجتماع لكبار المسؤلين برئاسة الوزراء وسألهم نفس السؤال
ماحدش عرف يجاوب
سأل مدير المخابرات ماعرفش
مدير مباحث أمن الدولة ماعرفش
في الآخر راحلعمرو موسى و سأله
ابوك عنده ابن وامك عندها نفس الابن لكن الولد ده مش اخوك يبقى مين؟
رد عمرو موسى بسهوله
طبعا يبقى أنا
و بسرعه جرينظيف ع القصر الجمهوري و دخل على مبارك و قال
عرفت الاجابه
رد مبارك بحماس
قول الاجابه
رد نظيف
عمرو موسى يا فندم
غضب مباركو قال
غلط
كولين باول يا غبي
ملحوظة: الموضوع اتبعتلى بالايميل بس عن انجلترا و امريكا و انا غيرته لمحاكاة الواقعية🙂
إرتبـــاك 
