أنا خلاص اتخنقت من ام الغباء الرهيب ده
ميرفع ام العلم و لا يحرقه احنا مال اهلنا
الراجل مهاجمش حد ولا اللى عمله ده ليه اى دافع سياسى
واحد بيلعب فى اسرائيل و بيحبها
رفع علمها…هو حر.. احنا مالنا
و لا احنا بنيجى فى الهايفة و نتصدر
عمالين نتكلم على اللعيب اللى رفع العلم
و سايبين ظباطنا اللى ماتوا على الحدود
و سايبين الناس اللى مرميه فى السجون
سايبين علم مصر اللى اتقطع فى وسط القاهرة 
 
الظباط ماتوا و تانى يوم مبارك  يستقبل اولمرت فى مصر
و يقول حادثة موت الظباط لا تؤثر على العلاقات القوية بين البلدين
يا  اخى ا….ا
و بعدها بأسبوع تتوسط مصر للإفراج عن العسكرى الاسرائيلى اللى حماس خطفاه
يعنى متوسطين للافراج عن العسكرى الاسرائيلى و طظ فى الظباط المصريين 
انا ضد قتل المدنين تحت اى مسمى
بس ده مش مدنى
ده عسكرى
احرقوا امه ابن الكلب ده
و خلى اسرائيل تنفع مبارك
 

زهق ازلى

June 27, 2006

حاسس بملل غريب

حموت خلاص بقالى ساعتين عمال بظبط فى الوحدات البرمجية ( زى ما علاء بيقول عليها) بتاعة دروبال 

البتاع ده بحره واسع اوى

يعنى فعلا ممكن يتدار بيه كومينتى كبير جدا مش بلوج صغنون 

كل ما افتح حاجة الاقى امكانيات جديدة

ياللا انا نازل اتمشى على البحر شوية و احتمال ادخل السينما .. لوحدى عشان صحابى نيله محدش فاضى النهارده

زى ما اكون انا اللى مواراييش حاجة 

اسرائيل مقومة الدنيا على العسكرى بتاعها اللى حماس خطفاه..و قومت الدنيا قبل كده على عزام عزام لغاية مخدوه
واحنا اتنين ظباط اتقتلوا على الحدود و تانى يوم مبارك يستقبل اولمرت
عرفتوا ايه الفرق بين الدولة اللى بتحترم نفسها و تحترم مواطنيها
و الدولة المهزئة الملطشة
نحن ساكنى الملطشة  
انتوا فاكرينى بهزر
هممممم… هو انا نص بهزر و نص بتكلم جد
و انا كنت قاعد بلعب فيفا ورلد كب امبارح (اول مره العبها) مش عشان حاجة بس انا فعلا لسه جايبها
المهمو اللعبة وهى بتبدأ بتديك معلومات عن الدولة اللى انت بتلعب ضدها او اللى انت بتلعب بيها
يعنى نظام هل تعلم كده
انا فرحت لما لقيت مصر و اول ما اخترتها سبحان الله اول دوله جات قصادى اسرائيل
معرفش هما عاملين دراسة عن نفسية الدول ولا ايه بس مش مهم انا كنت عايز اجربها فبدأت الجيم
و افاجأ بالمعلومة الجامده دى
did you know: that the cell phone and voice mail technology were invinted in Israel
الكلام مش بالظبط يعنى بس هو ده اللى فاكره من امبارح
و جات فى دماغى الفكره دى
بما ان شعبا اللذيذ همام اوى و بيقاطع كل ما ييجى فيه سيره اسرائيل من بعيد
فما بالك بتكتولوجيا اسرائيلى
احنا ننشر الموضوع تقوم الناس تقاطع و شركات المحمول فى مصر تضطر تنزل اسعارها و تبقى رخص التراب
نقوم احنا شاريين اسهم الشركات و عدد موبايل كتيييييير
و بعدين لما الامور تهدى كالعادة و الدنيا ترجع عادى نبقى من اصحاب الزليونات 
هااا .. ايه رأيوكوا
على فكره المعلومات اللى مكتويه عن مصر كلها عن قدماء المصريين …. اظن الفكره وصلت 
=============
حاجة ملهاش علاقة بالموضوع
بعد مخلصت الماتش اتعرض السلام الوطنى المصرى
اييييه ده
جــــــــــاااامد
لا و الله انا سمعت السلام الوطنى قبل كده
بس الفكره طريقة عزفه فى اللعبة لا تمت للرزع بتاعت الفرق العسكرية بصلة
حاجة كده راقيه ..جميلة … انا كنت بعمل الماتش دقيتين و اخلص بسرعة عشان اسمع السلام فى الاخر
جاااااااااااااااامد 

شعر / سالم صلاح سالم

 
للكوسه ف بلادي شئون

بتخلي المسنود فرعون
يتفرعن فين مهما يكون
وتخلي الجاهل أستاذ
والأعرج لاعب جمباز
وتخلي الأحول هداف
والكوره الآوت ف الجون
للكوسه ف بلادي شئون
لو تعرف واحد ف الشرطه
راح تخرج من أجدع ورطه
والراجل اللي انت ظلمته
تلاقيه متلقح مسجون
أو تعرف شخصيه كبيره
شغاله ف البنك مديره
راح تاخد من غير ضمانات
كام قرض بمليون مليون
وهروبك طبعا مضمون
ويا عيني لو تعرف نايب
ف المجلس مش نايب خايب
راح تبني أبراج وهميه
أوراقها مظبوطه أكيد
وفلوس الناس المهريه
حتجيلك م الجيب للإيد
بعديها تروح المستشفى
وتقيد نفسك مجنون
أحكامك تسقط ف ساعتها
بعديها ترجع موزون
ويا عيني لو تعرف شيخ
فجنابك طاهر علطول
وصيامك طبعا مقبول
وإذا فرضا حبيت تتجوز
تتجوز من غير مأذون
وإذا ساكن ف عماره جديده
وحبيبك راجل مسئول
فسيادتك من غير ما تقول
يركب لك فورا تليفون
ولو انت عندك عربيه
ونمرها سوده بنسرين
حتعدي أجدعها كمين
وحتكسر أوضحها إشاره
ماهو نمرك سوده جباره
ولا تعرف أيتها قانون
ولو انت بتعرف فران
أو واحد بياع جرنان
راح تاخد طلبك وحتمشي
من غير ولا دوشه ولا دور
والناس الغلبانه حتاخد
طلباتها بعدك وتغور
ماهو كله غيرك بيهون
ولو انت زميل الحلاق
راح تحلق اولها زبون
وإذا كنت بتعرف دكتور
حتعيش متطمن مسرور
وحتسلك ف لجان الشفوي
ومجال تعيينك موفور
وحتطلع فالتليفزيون
بالبدله وفيها الببيون
تتكلم وبكل بساطه
عن شرف المهنه المدفون
لكن لو شاعر غلبان
قلت اللي ف نفسك علطول
حيقولو مين قال لك قول
ويهاجمك مليون إنسان والتهمه أنك فنان
مش برضه كلامي يا جدعان
حسينه.. ولا أنا غلطان
**
مش معنى كلامي يا أحبابنا
إن إحنا خلاص اتغربنا
فيه فينا أشراف وكتير
إتربوا على حب الخير
وإحترموا ولادهم والغير
والناس إحترمتهم ولله
الفاتحه على روحهم يلله

يا جماعة انا عملت مدونة لتعليم كيفية انشاء مدونة على بلوج سوم
انا جربتها على 
Firefox 1.5.0.4
Opera 9.0
IE 6.0
و اشتغلت على التلاتة من غير اى مشاكل خالص
البانر بتاعها محطوط فى المدونة هو و بتاع الموضوع التانى بتاع بنت مصرية
يا ريت تبصوا عليه و لو اى حد عنده ملاحظات يا ريت يبعتلى 

Our Vendetta …. Again

June 23, 2006

 
 
 
 
 
 
 
 
 
 
 
 
 
  
العلامة اللى فوق هى كلمة (لا) فى دايرة
 
 

HELP Drupal Pros

June 21, 2006

A simple question.
what is then name of the module/tool to migrate from WordPress (blogsome hosted) 
to drupal
i found one tool but it required access to the data base which i don’t have
so how can i transfere posts and comments ( that’s all that i need) to drupal nodes
please help cuz i’m migrating soon 
التدوينة دى فيها كذا موضوع حقولهوم بترتيبهم فى العنوان
 
اولا حكاية اللاعب الغانى اللى رفع علم اسرائيل
ببساطه هو حر و محدش له دعوه يا ترى لو كان رفع علم دوله تانية كنا زعلنا كده
طيب بلاش لو رفع علم فلسطين و الفيفا قاليتلوا حاجة كنا عملنا ايه
هو بيلعب فى اسرائيل و بيحبها
هو حر
ميقصدش يعادى اى حد تانى او يهين حد ببساطة كان بيورى الناس انه بيحب اسرائيل
و يمكن كان بيعمل كده عشان ياخد الجنسية
هو حر
==============
اوقات فراغ
بصراحة انا دخلت الفيلم ده و انا مخنوق و داخل اساسا عشان صحابى  بس
لكن كنت غلطان .. الفيلم جامد جداً و بيصور حالة الشباب المصرى بصوره مشوفتش فى صدقها قبل كده
انا ارفع قبعتى و اقف احتراما لكل من شارك فى هذا الفيلم 
بصراحة يا جماعة الفيلم يستحق تمن التذكره ادخله و متدعيش عليه
=========
دافنشى كود
انا شايف ان الفيلم ده لو اتعرض فى مصر كانت حتبقى غلطة كبيره اوى من الحكومه
كانت حتبقى ببساطه ازدواجية معايير
طالما الافلام اللى بتتناول الاسلام بمنظور احنا مش موافقين عليه اتمنعت يبقى التانية لازم تتمنع هى كمان
مينفعش نمنع فيلم يسىء للاسلام و نعرض فيلم يسىء للمسيحية
مينفعش
با نعرض كله يا نمنع كله
و يا ريت المدونين كمان ميوقعوش فى الموضوع ده 

Alaa Released

June 20, 2006

Congratulations Champ ..watch out downtown
here he comes