العزال و بلاويه… من بلوجسوم لدروبال لوردبريس

November 13, 2006

عمرى ما كنت أعتقد إن الموضوع حيبقى مقرف كده
فى البدايه .. كنت معتقد إن الموضوع مش أكتر من تصميم المدونه الجديده ثم نقل المحتوى لدروبال
اللى المفروض فيه إضافات كتير تسهل العمليه دى
تصميم القالب مكانش فيه مشكله
بجيب قالب جاهز و بعدله.. مش موضوع يعنى
و جحه الوقت لنقل المحتوى
الفكره كلها ان المدونات اللى عند بلوجسوم و معظم المواقع المجانيه
لا تعطى اى معلومات عن قواعد البيانات
فبالتالى مفيش غير حل واحد ال RSS
استخراج المواضيع و التعليقات كلها كتلقيمة ار اس اس
بس كده لازم يكون فيه مدونة وردبريس وسيطة(dummy blog) فى النص انقل ليها المواضيع قبل نقلها لدروبال
نيجى للمشكله التانيه .. ال ار اس اس بينقل المواضيع بس مش التعليقات
قعدت اجوووجل 😛 النت لغايه ملقيت واحد ابن حلال معدل الملف بتاع الاستيراد عشان ياخد تعليقات كمان
بس بيشتغل على ورد بريس 1.5 اللى دوخت على ما لقيته
المهم
الملف بيستورد التعليقات فعلا لكن بيفشل فى ربطها بالمواضيع
يعنى تلاقى التعليقات كلها موجوده فى قواعد البيانات بس , و مش موجوده فى المواضيع لإنها مش مربوطه بيها
كل محاولاتى لربط التعليقات بالمواضيع فشلت فشل ذريع
قولت .. خلاص مش مهم التعليقات .. المهم المواضيع
و بدأت اعمل إجراءات نقل المواضيع من مدونه وردبريس الوسيطه لدروبال
كل حاجه مشيت تمام
ببضص على تلمدونه لقيت العربى مش ظاهر @$^&^%%$&)*&^
حاولت مرارا و تكراراً تغيير الencoding فى قواعد البيانات عشان الخط يتعدل … مفيش
يعنى مفيش عبلة … بلاها سوسو
روحت المجمه و بصيت على ال opml اللى عند علاء لقيته لسه مأضفش المدونه
قولت مصلحه
حضيف 410 موضوع يدوى
بستخدام اى محرر تدوين حستورد المواضيع من المدونه القديمة ك history و ابعتها للمدونة الجديدة
و حصل
المشكلة ان و انا ببعت .. علاء ضاف المدونة
لو حد لاحظ ان اليوم ده كان 90% من التدوينات اللى فى المجمع بتاعتى
لأن إضافتها يدوى بتنزل كلها بتاريخ واحد
المهم … خلاص نقلت كل حاجه و اتظبطت المدونه و روحت نمت
يومين كده و بروح المدونه لقيت رسالة خطأ غريبة طلعالى مع إنى مغيرتش اى حاجه فى المدونة نهائى
حاولت اعمل اى حاجه فيها ..مفيش حل
كان عندى امتحانات تانى يوم و مش فاضى
قولت اروح عند علاء.. لقيت عنده رسالة شبه اللى كانت عندى و معرفتش ادخل الموقع
روحت عند موقع تانى بتاع دروبالاوى يمكن الاقيلى حل
لقيت رسالة عندوا هو كمان
حسيت ان دماغى بتطلع دخان
فتحت الاف تى بى و مسحت كل حاجه
كل حاجه خالص
ضربت نفسى بالبتاعة بعد كده
طبعا لا كان عندى وقت اظبط دروبال من تانى
عملت تثبيت سريع لوردبريس بس كان لازم اعيد تصميم القالب ليتماشى مع وردبريس
عملت الموضوع ده فى حوالى ساعة و…
ولا حاجة كان بقالى اسبوع عمال بظبط فيه و اما تظبط جاتلى قرفه منه 😛
مكتبتش غير موضوعين تلاته من يومها
بس كده
Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: