الزقازيق.. وداعاً

December 10, 2006

لطالما كرهت هذه االمدينةحتى وقت قريب.

على مدى ثلاث سنوات إضطررت لمغادرة منزلي كل أسبوع قبل طلوع الشمس أو حتى قبل أن يفكر الليل بالرحيل لأصل قبل ميعاد أول محاضرة.. و التى غالبا لم أكن أفهم منها شيئاً

و يبدأ طوال الأسبوع صراع مرير مع ملاك الشقق الذين يعتبرون الطلبة فريسة سهلة يحق لهم النصب عليها و التحكم بها كيفما يشاؤونأى شخص وضعته الظروف فى غربة داخلية لسبب أو لاخر سيسهل عليه التخيل
لكن هذا ليس موضوعى
.

على العكس تماما ..

بينما يسهل تخيل بسهولة كيف يمكن كره هذه المدينة التى تعتبر وسائل الترفيه الأساسية فيها هى مقاهى الإنترنت إلا أنى لم أكن أتخيل اليوم الذى سأفتقدها فيه..

سافرت من أسبوع لأنهى آخر التعاملات الورقيه اللازمة للتحويل من جامعة الزقازيق و الرحيل منها إلى الأبد.

كنت أعلم أن هذهغالباً آخر زيارة أقوم بها لهذه المدينة التى قضيت بها تقريبا 3 سنوات من عمرى

ثلاث سنوات كنت أعتبرهم حى وقت قريب أسوأ سنوات عمرى على الإطلاق

رغم إفتقادى لأصدقائى هناك إلا أنى لم أكن متحمسا لهذه الزيارة

بل كنت كارها لها(3٫5ساعة سفر)

بعد وصولى إلى الزقازيق وجدت نفسى أنظر إلى المبانى و الشوارع و حتى الكلية هناك….

يا الله كم سأفتقد هذا المنظر..

شعور غريبو حنين أغرب

جلوسى مع أصدقائى فى المدينة ..و التسكع فى شوارع القومية و فيلل الجامعة و الجلوس فى مقهىالأنترنت بوقت يزيد عن 12ساعة متواصلة و كشرى التحرير …(;

وجدت الناس هم الناس.. شبابو بنات المدينة كلهم متكدسين فى شارع القومية..كالعادة

لم يتغير شىء سوى ربما أفتتاح مقهى أو محل جديد

أكتشفت و أنا أسير فى الشوارع أني أحب هذه المدينة قدر كرهى لها.

رأيت فيها الخير والشر .. الأبيض و الاسود..كل شىء تقريباً.

هل أتمنى أن أعود؟؟؟

لا

حرصت على قضاء كل ما أستطيع من وقت فى الزقازيقلم أرد أن أغادر..فأنا لن أعود

وداعاً أيتها المدينة المملةأحبك

Advertisements

25 Responses to “الزقازيق.. وداعاً”

  1. واللة يابنى انت من حسن حظك انك على الاقل مش منها وتقدر تسيبها,امال اعمل انا بقى اية فى ام المدينة الى انا منها ومقدرش اغيرها واللة هى المحافظة كلها زى الزفت ,الزقازيق دى التجيسد الفعلى للفساد والاهمال وقلة الضمير ,انا لوقعدت اكلم على المدينة دى ووساختها مش هعرف اسكت تانى. مع تمبياتى بعدم العودة لام المدينة على ام الجامعة على ام المحافظة دى تانى.

  2. MeMo said

    بصراحة … ليكى حق
    بس أنا مبحبش الزقازيق عشان البلد نفسها
    أنا بحبها عشان الأيام اللى قضيتها فيها
    بيتهيألى لو انتى كمان سيبتى الزقازيق
    حتحنيلها
    و تقولى ولا يوم من أيام القوميه lol

  3. شيماء said

    لعلمك انا اساسا بشتغل برة الزقازيق ولما ببعد عنها بتوحشنى جدا بناسها بس ياخى اول اما احط رجلى فيها(مع العلم بانى باجى من اكتوبر للزقازيق فى ساعتين ومن المحطة لبيتنا فى الزراعة(عندكلية طب بيطرى) ساعتين برضة) واشوف شوارعها المكسرة ومواصلاتة الزبالة والهمجية فى كل شئ
    العن الساعة الى فكرت انزل

  4. MeMo said

    lol
    طبيعى جداً … بلدك و لازم تحبيها و تتقرفى من زبالتها برضه
    مشوار زراعة ده انا ركبتله مرة واحده و بعدها لعنت كل حاجه قدامى
    بصراحة .. المواصلات فى الزقازيق غير قابلة للاتستخدام الآدمي
    🙂

  5. mago said

    اول مرة اشوف حد زيي بيكره ام البلد دي
    بجد انا برضو قضيت فيهم تلات سنين من عمري اسوا فترات عمري بجد يارب التحويل ينفع السنة الجاية
    البلد دي لازم يحصلها ابادة تامة باللي فيها

  6. waleed said

    يا خونا انتم كاتبين بس عن الجانب السئ فيها بس البلد فيها برضه حاجة حلوه و على فكره البلد دى فيها سر غريبة جدا و هى انك ما دمت عشت فيها لو سنة واحد لازم تشتقلها و تحبها يعنى انا شغال مهندس فى السعوديه من 4 سنين و لو عدت عليه سنة و منزلتش الزقازيق بلدى احس انى هيجرى لى حاجة و على فكرة البلد دى وحشانى موت بشبابها و بناتها و كل الأماكن اللى فيها

  7. MeMo said

    Mago:
    أما تحول حتعرف قيمة ايام الزقازيق
    Waleed:
    الزقازيق بلدك يا سيدى لازم تحبها
    اما بالنسبة لنا لا تمثل سوى بلد أضطررنا نقعد فيها لظروف الدراسة
    و لو قريت البوست تانى حتلاقى ان انا كمان بحبها.. مش أوى يعنى بس بحبها

  8. waleed said

    فعلا يا ماجو اكيد انا بحبها علشان دى بلدى و على العموم انا رأى إن أى بلد و خاصة فى مصر فيها مساوئ و أماكن مقرفة و عيوب و برضه فيها حاجات لازم تحبها و كل بلد ليها طعم خاص و على فكرة كل بلاد العالم فيها الكلام ده انا لفيت و شفت بلاد كتير
    بس برضه بحب موت يا زقازيق و احب كل اللى يحبوكى

  9. yara said

    hii ya memo
    ana kaman men el za2azeeeee2
    i hate it
    i hate every moment i have to stay in zag.
    i hate every thing there
    i hate mogtama3ha el zokoooooory
    ely kol 7aga feha bet7sal 3shan el ragel feha
    cafes, we shaware3
    we kolo
    bas ana ba2a lama bakhrog men el za2azee2 mabshta2lehash
    bel 3aks ba7es eny ba3eesh 7ayaty ba2a
    sooty beyt3’ayar bara el za2azee2
    de7kety
    lebsy
    e7sasy kol 7aga feya bette3’ayar
    ba7es eno monshake7a
    ama bagy ba2a zagazig
    ba7es bel ka2aba
    wel 2araf wel katma wel khan2a
    ya rab ba2a asebha 2orayeb bas dayman harga3laha 3shan ahly we as7ab

  10. waleed said

    ya yara ,
    h hope you will leave zagazig soon to by very monshake7a bas ana mot2kd you will miss zagazig so mush , ana safert belad kter China,lebenan,Emarat,saudia … bas bardo Al zagazig btw7shni, iam 30 years old but i travel to many contries but i feel defrant feeling when i retarn to zagazig , ana mot2kd ank ht7si keda low saferty bara masr.
    waleed

  11. MeMo said

    hey Yara … ya welcome ya welcome
    lol… you hate it because you are stuck in it
    but
    you don’t feel the value of something untill you lose it .. right??
    .thank god enny eskandarany

  12. romio said

    ايوه ميمو عند حق فى كل اللى انت قلته والله الزقازيق وحشتنى على فكره انا كنت معاك فى الزقازيق ومعاك فى نفس الكليه
    هااااااااااااا عرفتنى ولا ايه ؟؟؟؟؟؟؟؟؟؟؟؟
    بس بجد يا جماعه ايام الزقازيق متتعوضش رغم مساوئها من حيث المواصلات مثلا بس احسن حاجه فيها ناسها الكرام
    بجد انا مشتقلها بس مش عايز ارجعلها

  13. MeMo said

    الفكرة يا عم روميو أنى معرفش غير واحد بس ممكن يسمى نفسه روميو و فى ثالثة مدنى
    و مين قالك يا سيدى أنى عايز أرجع
    انا الزقازيق واحشانى اه … بس مش عايز أرجع يا مان
    أبداً

  14. Romio said

    على فكره تخمينك صح انا فعلا اللى انت تقصده

  15. A.SAMIR said

    طبعا الزقازيق مش مدينة ترفيهية على الاطلاق ولكنها ليست بالجحيم برضة هي زيها زي اي مدينة في مصر عدا طبعا القاهرة والاسكندرية.
    سيدي الفاضل اللي انت بتقوله على الزقازيق كمدينة مملة وسيلة الترفيه فيها هي الانترنت كان ممكن برضة تقوله لو انت كنت في جامعة طنطا او المنصورة او كفر الشيخ وياسلام لو كنت كمان في احدى جامعات الصعيد.
    يا سيدي مشكلة الزقازيق او اي مدينه تانية ان اللي بيمسكوها كمحافظين بييجوا مجاملة مش لانهم عايزين يطوروها او ينضفوها بالعكس اختيار المحافظين في مصر في الاول والاخر مجاملة بحتة للواء شرطة او جيش متقاع او لقاضي عايزين يجاملوه او لاستاذ جامعة نشاطه كويس في الحزب الوطني.
    وهو دة السبب في تدهور احوال المدن المصرية.
    يا استاذي العيب مش في الزقازيق العيب في مصر كلها

  16. هشام القاضى said

    السلام عليكم ياشباب انا راجل عجوز شوية عندى 45 سنه ومن الزقازيق ومغترب فى الخليج من 16 سنه ابنى اضطر ينزل للزقازيق للدراسة فى الجامعه لأنه مصرى ولايجوز له دخول الجامعه فى الخليج وقرفان من الزقازيق ومواصلاتها زيكم بالظبط ولكن لو كنتم من عمرى ورأيتم الزقازيق زمان من 35سنه لتمنيتم ان يعود الزمان وللأسف هذا هو حالنا كل الأمم تنشد التقدم ولكننا نقول ياريت الماضى يعود لاننا من سىء لأسوأ وأسألو اى زقازيقى قديم عن هذه البلد الجميلة زمان قبل حرب 67 وبداية نزوح سكان 3محافظات من القنال للعيش فى الزقازيق بمرافقها المحدوده والجامعه النى انشأت على كل رقعه خضراء ( منتهى العشوائيةوعدم التنظيم بس بحبها بنت ستين فى سبعين

  17. MeMo said

    lol
    reabena yeraga3ak belsalama

  18. أيمن مكى said

    إلى رقم 15 A SAMIR
    المسألة مش مسألة محافظ بس
    ولكن حاجات تانية أكبر بكتير

  19. جمال المهدى said

    ومع كل ذلك بحب من الزقازيق

  20. sara said

    ana so3’ayar shewaya ..we 3aysha fe elza2azeft…2asdy elza2azee2 bas begad ana lama baroo7 cairo wala alex ba7es enaha was3a awyyyyy we sa3ba we 2asya ….bas elza2azee2 me7anda2a we 3arfeen kol shabab we banat elkawmeya elly feha we 3al2ad sa7e7 daya2a bas 3al2ad

  21. raouf_rock said

    احب اقول لكل الناس اننا اسواء محافظه على مستوى جمهوريه مصر العربيه واسالوا كل الناس اللى فى الزقازيق بصراحه انا من البلد دى لاكن احب اقول انها بلد متخلفه وشأنها من شأن منيا القمح وابو حماد وفاقوس مش اكتر

  22. lOvE StOrY !! >> 3oMaR said

    3la fekra ana shayef zaiko n el zag. balad we7sha w kol 7aga w mafehash 3’er shar3en temshy fehom welba2i ta3ban awi .. bas lama bab3ed 3anha ma3rafsh leh btew7ashny awi w ab2a 3awz arga3laha bsor3a w awil ma arga3 anfo5 w a2ol yadi el 2araf a el balad el zft de 😀

  23. ehmegy said

    مع انى مش بنزل الزقازيق دلوقت الا على فترات متباعده
    لكن انا بعشقها خاصه باليل
    انزل اتمى مع نفسى كده فى شوارعها
    واقعد افتكر ايام الدرس عند مستر عصام
    وايام المطره دى بقا مش هقلكم انا بعشقها
    انا عاندى فصل الشتاء ده احسن فصل فى السنه
    انا يمكن مشفتش عيوب فى الزقازيق كتير علشان من قاعد فيها ديما
    يمكن انتو عندكم الصوره الوحشه دى علشان عيشين فيها ديما

  24. zagazig is the best city
    i love zagazig city

  25. السلام عليكم، أنا مصرى مقيم و متزوج من لاتفيا و عايز أنزل مع ولادى و مراتى للزقازيق لزيارة آثار تل بسطه،و كمان بحيرة العباسه و غيرها فى محافظة الكرم الشرقيه.وسؤالى هو:هل يوجد فندق 5 أو 4 نجوم فى الزقازيق؟ و ما إسمه أو عنوانه؟وشكرا..مع تحياتى،،أخوكم فى لاتفياـRiga

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: