بصراحة مش عارف أقول ايه الراجل ده باين عليه كبر و خرف هو كمان

دعا الرئيس الامريكي جورج بوش الى التحلي بالصبر إزاء استراتيجيته في العراق الخميس وضرب اسرائيل مثلا يمكن للعراق أن يحتذي به.


قال بوش إن بلاده تسعى أن يصبح العراق دولة ديمقراطية تتعامل مع العنف، تماما مثل اسرائيل.

الخبر من بى بى سي

Advertisements
إتصالات وصلت يا ولاد و يا بنات
بتكنولوجيا 3.5 الجديدة
اللى للأسف مش حتستفاد منها بسحتوت مخروم و مصدي و طالع عينه
لأنك لازم تعمل 5 أو 6 محاولات  على ما النمرة تجمع معاك و تعرف تتصل
و لازم تبقى الشبكة على الآخر فى موبايلك عشان حد يعرف يتصل بيك
و يتنفع يا صاحبك يسمع الجملة المعهوده
المحمول اللذى تحاول طلبه حاليا شبكته بتستعبط و مش عايزه ترد
هما الناس فى إتصالات مسمعتش أن الإنطباعات الأولى تدوم على رأى الست بتاعة الصابون أبو ريحة
دا كل ما أقول لحد يقولى على فكره دى شبكه زبالة
طيب أما أنتوا مش مستعدين تفتحوا
إستعجلتوا ليه و فتحتوا فى وقت قياسى مقارنة بالشبكتين التانيين
مش صعبان عليكوا ال16 مليار اللى كعتوهم
الناس ببساطة حتسيب إتصالات اللى لسه ملحقتش يبقى عندها عملاء أساسا و ترجع تانى لموبينيل و فودافون
خصوصا إن السركات دى عماله تنزل فى عرض جديد كل يوم
أعقلوا كده و استهدوا بالله و ظبطوا شبكتكوا قبل ما تصرفوا اللى فى جيوبكوا كله على الإعلانات

عميل مفقوع من إتصالات

بعد إنتهاء معركة ملحمية و مناوشات ماراثونية مع دستة إمتحانات
رجعنا و الحمد لله
صحيح نسبة الخساير كبيرة و النصر مش مضمون و لا حتى بنسبة 50 %
بس مش مهم
المهم انى رجعت و خلصت إمتحانات و خلاص

حاجات كتير قوى حصلت في الفترة اللى فاتت
نبدأ منين …. اه

دحلان و شلته كانو بيتجسسوا على مصر
و بيبعتوا الإرهابيين يضربونا فى سيناء
و يهربولنا مخدرات
و يغرقوا سيناء بدولارات مزيفة

و بعدين .



الحكومة تقوم بقمة فى شرم الشيخ لمساندة فتح

طيب و الكلب دحلان

دحلان اللى الفلسطينيين كانوا بيقولوا عليه أبو ريالة

عارفين لو فى بلدنا حكومة محترمة
كان الراجل ده لازم يتصفي
الله يرحمك يا عبد الناصر
كنت نيلة صحيح .. بس راجل

***

الخبر الجديد
فى أمريكا لو سقطت البنطلون
تلبس 6 شهور سجن
بس حاسب
التسقيط هناك ليه اصول lol

(Photograph)

***

نيجى بقى لنكت الحكومة اللى متخلصش
وأدي واحدة جديدة
نظيف: انخفاض ملحوظ في الأسعار قريباً

و فى نفس الوقت سبحان الله

إنما دى بقى .. جااامدة

رشيد: ماليزيا والبرازيل وراء ارتفاع أسعار المواد الغذائية في مصر

بقى ماليزيا و البرازيل هما اللى مغليين الأسعار
أومال انتوا بتعملوا ايه
تصدقوا أنا كنت فاكر ان دى هى شغلة الحكومة
اصلى مش لاقيلها شغلانة تانية !!

***

نيجى بقى لأهم خبر