على مدى عمرى أتسألت السؤال ده كتير أوى

 

فى مواقف مختلفة و ظروف مختلفة

رد فعلى فى معظم الأحيان كان بيبقى بطىء شوية يسبقه محاولة لإكتشاف نوايا السائل من السؤال و التى غالبا ما تكون هايفة

إلا أنى لم أظن فى يوم من الأيام أن السؤال ده يكون غلط .. أو مش مناسب

إلا ان الزمن غير رأيى شويتين

أولا .. هو أنا لا زم ابقى يا مسلم يا مسيحى

تقوللى يعنى ايه ؟؟؟؟ عايز تبقى كافر؟؟

أقولك …. لو أنا سرقتك أبقى غلطت فى حق مين ؟؟

تقولى أنت ..

أقولك تمام .. لو أنا اتبعت دين غلط (فى وجهة نظر سعادتك) أو كفرت أبقى بغلط فى حق مين؟؟

حتجاوبنى بأجابتين حسب تفكير سعادتك

1-حتقوللى فى حق ربنا

2- حتقوللى فى حق نفسك

فى كلا الحالتين مش أنت ولا غيرك و لا أى سلطة دنيوية مسئولة عن محاسبتى

ببساطة لأنكم زيى بالظبط

اللى فيكوا يوصل للحقيقة الكاملة و كمال الدين

ييجى يحاسبنى

بخلاف ذلك محدش له عندى حاجة … طالما لم أكسر أى قوانين دنيوية

حاجة تانية بقى …

أنا مسلم …. أقولك .. بلاش انا

وقف أى مسلم فى الشارع

أسأله هل تؤمن أن المسيحية الموجودة حاليا دين من عند ربنا؟؟

بلاش

وقف أى مسيحى فى الشارع

أسأله .. هل تؤمن بأن الإسلام دين سماوى ؟؟

الإجابة القاطعة … لأ

انت شايف الاسلام صح … عشان كده انت مسلم

غيرك شايف دينه صح … عشان كده هو بيتبعه

أنا مش قادر أفهم ايه العلاقة بين إعتقادك أن دينك هو الحق و الصح و أن شخص ما يعتنق دين اخر

هو فرض دينه عليك ؟؟؟؟

قالك يا تتحول يا حنسلخك؟؟؟

واحد بهائى .. هو عايز يبقى بهائى

تخليه مسلم أو مسيحى بالعافية

أيه علاقة ان انت مش مقتنع بإن البهائية دين سماوى بإعتناق شخص ما انت ملكش علاقه بيه ليها

نقول تانى

انت شايف الاسلام صح … عشان كده انت مسلم

انت شايف المسيحية صح … عشان كده انت مسيحى

هو شايف اليهائية صح عشان كده هو بهائى

يا جماعة

لو فى حاجة أنا مش فاهمها فهمونى

حتى إشعار آخر … الرد على عنوان التدوينة هو

 

و أنت مال أهلك

***

أيضاً عند كلمتين و شغف و عصفورة فى الساحة

مسكوا جاسوس

February 4, 2007

الظاهر الواد كان بيتفرج على افلام عربي كتير
راح السفارة الإسرائيلية و قالهم عايز ابقى جاسوس
رويترز
مصراوى
أخيرا أوروبا قررت تقلب على السى آى ايه

عشان واحد ألمانى من أصل لبنانى اتخطف من مقدونيا
و أترحل على فين ؟؟.. حزروا فزروا
طيب و واحد تانى مصرى إيطاليا بتحقق فى إختطافه
و إترحل على فين ؟…. برضوا حزروا فزروا
بس دا مرجعش بقى ..

على رأى أم الليمبي
هو اللى عند الحكومة بيرجع

أيدى … أيدى يا باشا و النبى أيدى
أبوس أيدك يا باشا أيدى بتتقطع يا باشا
 فكنى خمس دقايق بس و أربطنى تانى
و النبى ز النبى يا باشا أيدى بتتقطع يا باشا

الكلب الوسخ بيسأل بكل برود مالها .. يا ابن الجزمة يا سافل
يا … عارف أنت متستاهلش الشتيمة خساره فى حثالة زيك.. عشان أنت مش راجل
أدخل على مراتك كده و أفرد صدرك و قولها أنا مش راجل.. سامع يا وسخ يا نص

Technorati Tags: , ,

  تحول كلب مجرم فى حق شعبه و شعوب كتيير قوى

لبطل قومى عربى و شهيد ضد الإحتلال

ياخى احاااااااا

سرقة كمان و كمان

December 19, 2006

http://ahmedhelmasry.blogspot.com/2006/12/blog-post_17.html
From: http://shokeir.blogspot.com/2006/12/blog-post_19.html

UPDATE :http://www.egyman.net/2006/12/21/teenstuff-apologizes/

 الموضوع خلص خلاص و الراجل حياخد حقه 😀

أحمد مدون حباه الله بموهبة التصوير الفوتوغرافي

أحمد وراء كل صورة يلتقطها قصة ومجهود ذهني حتى تصبح قطعة فنية

أحمد عندما يكون لديه فكرة معينة تحتاج لأسطر عديدة وكلمات كثيرة تعبر عنها يختزل أفكاره في صورة

أحمد إذا كان يلتقط صوره في كسر من الثانية تبعا لسرعة اللاقط فكثير لايدري أن هذا الكسر من الثانية وراءه مجهود أيام وليالي

أحمد مثل أي مبدع يحتاج لتشجيع الآخرين بالتعليق على صوره ولذلك نشرها في وقع فليكر حوالي مائة وعشرون صورة

أحمد كان يتابع يوميا التعليقات التي تشيد بصوره وتشجعه على مزيد من الإبداع

أحمد كان يتمنى أن تصل صوره يوماً ما إلى معارض التصوير الفوتوغرافي أو الصحف والمجلات

أحمد
كان يتمنى جنيهاً واحداً يدخل جيبه من وراء مجهوده الإبداعي ولن ينفقه
فسوف يكون أغلى جنيهاً في حياته حيث يكون نتاج أحب الأعمال إليه

أحمد راجل طيب وحط علامة الكوبي رايت © على صوره في موقع فليكر
© All rights reserved

أحمد مدون قرأ ماحدث في مدونة حائر في دنيا الله ودخل عندي كتب تعليق يستنكر ودخل نام ولم يكن يحسب أنه سوف يكون التالي

أحمد إكتشف إن إحدى صوره الإبداعية ، بل أكثر صورة نالت أكبر عدد من التعليقات تعدت الستون منشورة في مجلة تين ستاف

أحمد
لم يكن ليبخل ان تنشر صورته في المجلة مجاناً بل كان يتمنى ذلك ، ومطلبه
بسيط جداً ولن يضير أحد وهو أن تذيل الصورة بإسمه تصوير : أحمد

كده بكل بساطة بضغطة واحدة (سيف بيكتشر آز) وحُطها مع شوية الكلام وإنشر ياجدع في المجلة وإطبع ووزع

agaga

السرقة

agaga

الأصلالمشكلة
ليست في دعاء سامي التي وُجدت الصورة في تحقيقها ولكن في المحرر الفني
الحرامي اللي حافظ عنده شوية صور مسروقة عمّال ينقي منها الأنسب لموضوعه
——————————–
رئيس مجلس إدارتها : منال المهدي
رئيس تحريرها : مروة علواني
وإيميلهم هو
info@teenstuffonline.com
لو
كل واحد أخد من وقته دقيقة واحدة وبعت للإيميل ده يستنكر ماحدث أوعلى
الأقل يعمل كوبي وباست من البوست ده ، هايكون إتصرف بإيجابية ويكون بجد
شارك في عودة الحق لأحمد اللي متأكد إنه حقه هايعود بإيجابيتكمتيجي نتحدي أنفسنا ونشوف هانقدر ولا لأ ؟

الفجر تكشف هوية ضحية فيديو التعذيب

عماد محمد علي الكبير سواق ميكروباص بموقف ناهيا
عمره 21 سنة
توفي والده بسبب ما حدث له !!!
التعذيب تم في قسم بولاق الدكرور
الشرطة وزعت نسخ الفيلم بالفعل على سائقي الموقف لإذلاله !!!
عماد راح لوزير الداخلية والوزير حلقله !!!

وزارة الداخلية مرعوبة بسبب الحملة الإلكترونية ضد التعذيب
هددوا عماد حتى لا يتحدث
جريمة عماد أنه تدخل لتخليص قريبه من إعتداء الشرطة عليه
قبضوا على أخيه لأنه رفض دفع اتاوة خمسة جنيه لأمين شرطة

إضغط هنا للتكبير

أيها الضحايا
لا تسكتوا
سكوتكم جريمة
ليس في حقكم فقط
ولكن في حق كل من تتكرر معه المأساة
لدينا قوانين تحميكم وتعاقبهم ولا تطبق بسبب خوفكم
ولدينا الآن صحافة توصل صوتكم
لا تخافوا منهم ومن تهديداتهم
الآن هم الخائفون ولهذا يهددون
الآن أنتم الأقوى
ساكتين ليه
تحديث
 و  فيديو كمان

الداخلية يا عينى مش عارفة مين الكخة اللى بيعذب المواطنين فى الأقسام
طيب أقول ايه … اكذبوا
ما انتوا طول عمركوا بتكذبوا
لكن حتى الكذب دلوقتى مش عارين تكذبوه … الناس مش أغبيه للدرجة دى يعنى …

بيان من الداخلية حول فيديو التعذيب في أقسام الشرطة
القاهرة – أصدرت وزارة الداخلية بيانا بشأن لقطات الفيديو التي انتشرت على الإنترنت وتظهر تعرض مواطنين للتعذيب في أقسام الشرطة المصرية.

وقال
البيان إن الواقعة الأولى التي تظهر قيام ضابط شرطة بقسم الهرم بصفع مواطن
على وجهه مرات كثيرة هي لأن هذا الشخص – ويدعى أحمد جاد – قام باغتصاب طفل
عمره 4 سنوات وهو نجل المواطن نادي حسن.

وقال البيان إن والد الطفل
بكى بشدة مما جعلت الضابط لا يتمالك نفسه وتعاطف مع الطفل وقام بصفع
المعتدي الذي كان باردا وبدا غير مكترث بأي شيء.

وقال البيان أنه بالتحري مره أخرى عن الشخص المعتدي تبين أنه غادر مصر وتوجه إلى ليبيا ليعمل هناك نجار مسلح.

أما
الوقعة الثانية التي تظهر اللقطات أحد الضباط ينتهك عرض مواطن بعصا غليظة
بينما يقف أفراد آخرون يشاهدون الاعتداء والضابط يتوعد الشخص بفضح أمره
بين زملاءه السائقين.

وقال البيان إن هذه اللقطات تبث من أماكن مجهولة وأنها لا تظهر أين جرى هذا الاعتداء ولا مرتكبيه ولا متى حدث.

وناشد
البيان الشخص الذي تعرض للاعتداء للتوجه ببلاغ فوري لوزراة الداخلية حتى
تبدأتحقيقا في هذه الواقعة لأنها حتى الآن لا تملك أي تفاصيل عنها.


Technorati Tags: , , ,