وضع الإخوان في  جامعات مصر محير جداً

يوم تلاقى الأمن نازل فيهم إعتقالات و بهدلة

و يوم تلاقيهم داخلين بسماعات و أجهزة و عربيات من باب الجامعة الرئيسى تحت سمع و بصر الأمن

فى كلية الهندسة جامعة الإسكندرية

وجود الإخوان أصبح شبه إدارة موازية للكلية

خصوصا مع موضوع الإتحاد الحر

فى الوقت اللى الحكومة بتضرب بكل عزمها فى الإخوان

تلاقى الإخوان فى الكلية الله ينور

لافتات فى كل حته .. عن كل حاجة عايزين يقولوها… موقعة بإسم التيار الإسلامى أو الإخوان المسلمين .

و فى أى مكان فى الكليه

 

دا حتى بقى ليهم شبه مكتب فى مدخل كل مبنى من المبانى

أنا لا أنكر الخدمات اللى بيقدموها للطلبة من ناحية ملازم الإمتحانات و إسطوانات البرامج و الكلام ده

على عينى و رأسى و إنا لكم لشاكرون

إنما الموضوع زاد عن حده

اما يدخل قبل كل محاضرة عيل يخطب خطبة الثلاثاء أو السبت ( الجمعة أجازة( يبقى الموضوع مش حلو

و دا رد الكلية الوحيد 

السؤال هنا..

هل حرية الحركة الغريبة دى مكفولة لجميع التيارات و الإتجاهات

أنا عمرى فى حياتى ما شفت حد غير الإخوان بيتحرك فى الجامعات … خالص

طيب حرية الحركة دى الحكومة بتدهالهم ليه ؟؟

عشان ترجع تقبض عليهم بعد كده ؟؟

يعنى أنا لو روحت أعمل نفس اللى بيعملوه الإخوان بس بأسم حزب تانى ..الحكومة حتسيبنى ؟؟

مش عارف؟؟

الموضوع فعلا زاد عن حده

لما يبقى كل التيارات بتتكلم فى الجامعة

يبقى ماشى

إنما دا مفيش غيرهم

بلاش … لو حرية الحركة فى الجامعة مكفولة للجميع

يبقى أهلاً و سهلاً

يعملوا اللى هما عايزينوا

طالما على الكل كليلة

إنما الموقف كدا غريب …

حد فاهم حاجة ؟؟ 

 

 

الوسط الجديدو الجبهة الديموقراطية

أيهما تفضل و لماذا؟

أفتونا يا أهل العلم .

الإسكندرية

February 16, 2007

 

بزمتك .. مش عايز تنط ؟؟

على مدى عمرى أتسألت السؤال ده كتير أوى

 

فى مواقف مختلفة و ظروف مختلفة

رد فعلى فى معظم الأحيان كان بيبقى بطىء شوية يسبقه محاولة لإكتشاف نوايا السائل من السؤال و التى غالبا ما تكون هايفة

إلا أنى لم أظن فى يوم من الأيام أن السؤال ده يكون غلط .. أو مش مناسب

إلا ان الزمن غير رأيى شويتين

أولا .. هو أنا لا زم ابقى يا مسلم يا مسيحى

تقوللى يعنى ايه ؟؟؟؟ عايز تبقى كافر؟؟

أقولك …. لو أنا سرقتك أبقى غلطت فى حق مين ؟؟

تقولى أنت ..

أقولك تمام .. لو أنا اتبعت دين غلط (فى وجهة نظر سعادتك) أو كفرت أبقى بغلط فى حق مين؟؟

حتجاوبنى بأجابتين حسب تفكير سعادتك

1-حتقوللى فى حق ربنا

2- حتقوللى فى حق نفسك

فى كلا الحالتين مش أنت ولا غيرك و لا أى سلطة دنيوية مسئولة عن محاسبتى

ببساطة لأنكم زيى بالظبط

اللى فيكوا يوصل للحقيقة الكاملة و كمال الدين

ييجى يحاسبنى

بخلاف ذلك محدش له عندى حاجة … طالما لم أكسر أى قوانين دنيوية

حاجة تانية بقى …

أنا مسلم …. أقولك .. بلاش انا

وقف أى مسلم فى الشارع

أسأله هل تؤمن أن المسيحية الموجودة حاليا دين من عند ربنا؟؟

بلاش

وقف أى مسيحى فى الشارع

أسأله .. هل تؤمن بأن الإسلام دين سماوى ؟؟

الإجابة القاطعة … لأ

انت شايف الاسلام صح … عشان كده انت مسلم

غيرك شايف دينه صح … عشان كده هو بيتبعه

أنا مش قادر أفهم ايه العلاقة بين إعتقادك أن دينك هو الحق و الصح و أن شخص ما يعتنق دين اخر

هو فرض دينه عليك ؟؟؟؟

قالك يا تتحول يا حنسلخك؟؟؟

واحد بهائى .. هو عايز يبقى بهائى

تخليه مسلم أو مسيحى بالعافية

أيه علاقة ان انت مش مقتنع بإن البهائية دين سماوى بإعتناق شخص ما انت ملكش علاقه بيه ليها

نقول تانى

انت شايف الاسلام صح … عشان كده انت مسلم

انت شايف المسيحية صح … عشان كده انت مسيحى

هو شايف اليهائية صح عشان كده هو بهائى

يا جماعة

لو فى حاجة أنا مش فاهمها فهمونى

حتى إشعار آخر … الرد على عنوان التدوينة هو

 

و أنت مال أهلك

***

أيضاً عند كلمتين و شغف و عصفورة فى الساحة

أنا ذهلت لما دورت على النت عن القوات المسلحة المصرية
كمية معلومات غريبة
هل دا طبيعى
هل طبيعى ان العالم يبقى عارف أماكن القواعد الجوبة و أنواع الطائرات و الأسراب الموجودة فيها و اساميها و حتى اعداد الطائرات و ارقامها المسلسلة

EAF today

Currently, the backbone of the EAF is 220 F-16s
(with an additional 24 F-16C Block 52 on order under Peace Vector IV),
making Egypt the 4th largest F-16 operator in the world. The Mirage 2000 is the other modern interceptor used by the EAF. It continues to fly MiG-21s, F-7 Skybolts, 32 upgraded F-4 Phantoms, Dassault Mirage Vs, C-130 Hercules
plus the remnant of a large inventory of older Chinese and Russian
fighters among other planes. These are well supported by 6 E-2C Hawkeye
AWACS aircraft which are being upgraded to the new and highly advanced
Hawkeye 2000 standard. The Egyptian Air Force is currently undergoing a
modernization that has made Egypt a significant air power, on a par
with Western European counterparts. It has recently ordered F-15C’s
equipped with “smart” bombs. It is also likely that it will order a
batch of F-35 in the near future.

هل من الطبيعى أن تسليح قوات الدفاع الجوى يبقى مكتوب فى ويكيبديا
هل من الطبييعى انى الاقى مواصفات تحديث قامت بيه القوات المصرية لدبابة أمريكية على موقع إيرانى
أو حاجة زى كده
http://www.irandefence.net/showthread.php?t=9244


معلومات عن الدبابة المصرية رمسيس2

صفقات الدبابة
 M1A1 Abrams
المجمعة فى مصر

اخيرا اقرأوا المقالين دول
http://www.acpr.org.il/ins/articles/Fishbein1.htm
http://www.tau.ac.il/jcss/menl121004.html

مسكوا جاسوس

February 4, 2007

الظاهر الواد كان بيتفرج على افلام عربي كتير
راح السفارة الإسرائيلية و قالهم عايز ابقى جاسوس
رويترز
مصراوى
أخيرا أوروبا قررت تقلب على السى آى ايه

عشان واحد ألمانى من أصل لبنانى اتخطف من مقدونيا
و أترحل على فين ؟؟.. حزروا فزروا
طيب و واحد تانى مصرى إيطاليا بتحقق فى إختطافه
و إترحل على فين ؟…. برضوا حزروا فزروا
بس دا مرجعش بقى ..

على رأى أم الليمبي
هو اللى عند الحكومة بيرجع

نكت

January 10, 2007

عماد.. اتعذب و أتهتك عرضه و ….
اه .. إتحبس 3 شهور مع النفاذ
الحكم بالحبس 3 شهور علي ضحية التعذيب
 تانى نكته
لو فقير و عيان ….
موت أرحملك
ارتفاع أسعار أدوية مهمة بنسب تتراوح بين 10% و100% 


 تالت نكته معانا التهاردة فى البرنامج
و أنا نازل الكلية من يومين عديت فى شارع قناة السويس و لقيت الدنيا مقلوبة
و كل 100 متر فى واحد بلاسلكى
سألت سواق التاكسى .. قال يمكن فى حد بيزور المكتبة
معلش مكنش يعرف ان مولد سيدكوا و سيد البلد أبو حصيرة وصل
حالة طواريء قصوى لتأمين اليهود بمولد أبوحصيرة 


اه شوفتوا نسيت إزاى ..
إحنا بنقزز ب 220 مليون جنيه فى السنه
يعنى من دلوقتى جيب حصالة .. و كل ما نفسك تهفك على لب أو سودانى
حط الفلوس فى الحصالة
و حتبقى مليونير على احر السنة …
حاجه تفقع

الفجر تكشف هوية ضحية فيديو التعذيب

عماد محمد علي الكبير سواق ميكروباص بموقف ناهيا
عمره 21 سنة
توفي والده بسبب ما حدث له !!!
التعذيب تم في قسم بولاق الدكرور
الشرطة وزعت نسخ الفيلم بالفعل على سائقي الموقف لإذلاله !!!
عماد راح لوزير الداخلية والوزير حلقله !!!

وزارة الداخلية مرعوبة بسبب الحملة الإلكترونية ضد التعذيب
هددوا عماد حتى لا يتحدث
جريمة عماد أنه تدخل لتخليص قريبه من إعتداء الشرطة عليه
قبضوا على أخيه لأنه رفض دفع اتاوة خمسة جنيه لأمين شرطة

إضغط هنا للتكبير

أيها الضحايا
لا تسكتوا
سكوتكم جريمة
ليس في حقكم فقط
ولكن في حق كل من تتكرر معه المأساة
لدينا قوانين تحميكم وتعاقبهم ولا تطبق بسبب خوفكم
ولدينا الآن صحافة توصل صوتكم
لا تخافوا منهم ومن تهديداتهم
الآن هم الخائفون ولهذا يهددون
الآن أنتم الأقوى
ساكتين ليه
تحديث
 و  فيديو كمان

كل مرة تتنيل إسرائيل تحذر من حاجه .. تنزل على دماغنا مصيبةبس معلش .. مش غلطتهم ان أجهزة امنهم شايفة شغلها

الفكرة .. فى ظل التعاون الوثيق اللى تبديه الحكومة المصرية تجاه إسرائيل

لماذا لا يتم إبلاغ السلطات المصرية بالمخططات أو المعلومات التى أصدر التحذير على أساسها..

و أدى تحذير كمان لسه طازة

المفروض ننتظر الهجمة الجديدة ؟؟؟

الفنان المحترم حارق المثقفين فاروق حسنى تم تبرئته من موضوع الحجاب

72338-l1.jpg
كل الناس كانت متوقعه ده

كالعاده

و يتنيل دم الناس اللى ماتوا

و خلينا نيجى فى الهايفة و نتصدر

مصريين إلى الأبد

technorati tags:, , ,