سؤال

May 5, 2007

هل تقدم على عمل شاق علماً بأن فرص نجاحك أقل من 10% .. بشرط أنك تعلم أن شخص ما قد قام به من قبل فهو ليس مستحيل .. و لكن فرصة النجاح ضئيلة جداً؟

بس مش لاقى حاجة أقولها
أو بمعنى أصح … عندي حاجات كتير تتقال
بس مش عارف أقولها

أولا أحبكم تشوفوا حاجة
دول كلم فيديو عن التزوير اللى حصل
مفيش كلام أظن

أنا معرفش مصدرهم .. بس الله يكرمه على العموم
***
أنا النهاردة كملت 21 سنه
أنا كنت إحتفلت بعيد ميلادى لعشريم معاكوا فى المدونة السنه اللى فاتت
بس المره دي معتقدش حد له نفس
على العموم
أنا حاخد أجازة من الكومبيوتر و التدوين و العالم الإفتراضى كله
كام شهر كده و راجع بإذن الله
يمكن اعرف أظبط حياتى تانى
ياللا .. أشوف وشكوا على خير

تحديث: أفرجوا عن مالك .. بس الباقى لسه

من موقع كفاية

الأنباء لا تزال ترد: اختطف مالك أثناء توجهه إلى مجلس الشعب ظهر اليوم. طبقا للصحفي خالد البلشي

، هو الآن محتجز في سيارة ملاكي زرقاء رقم لوحاتها 865171 تقف أمام مطعم ماكدونالدز في ميدان التحرير. صحافيون و محامون في طريقهم الآن إلى ميدان التحرير.

تحديث: السيارة تحركت، و أخبار عن اختطاف محمد عبد القدوس مقرر الحريات بنقابة الصحافيين، و المدون محمد جمال.

تحديث 15:13: أخبار من منال و علاء: 6 آخرين كانوا مع مالك في السيارة. المظاهرة فضت بعنف، و تجمعت في نقابة الصحافيين.

تحديث 15:23: من المعتقلين أيضا المدون مينا (الحاج جرجس)، صاحب مدونة كفاية حرام

و عند علاء


http://manalaa.net/malek_arrested

و دول ناس من كفاية تم إعتقالهم فى الأيام القليلة الماضية و سلملي على الديموقراطية و التعديلات الدستورية و التمر هندي بالملوخية

  1. وليد صلاح
  2. محمد عادل
  3. خالد عبد الحميد
  4. بهاء صابر
  5. كريم رضا
  6. مصطفى سيد اسماعيل
  7. أحمد عبد الجواد
  8. ناجي رشاد
  9. محمود الورداني
  10. أحمد علاء
  11. عمر ابراهيم
  12. عصام شعبان
  13. جاد الاسلام جمال
  14. فيكتور نجيب
  15. أحمد أبو ستيت
  16. أحمد اسلام وحيد
  17. حمادة رجب محمد عبد اللطيف
  18. نائل يحي
  19. عمرو مصطفى عبد العظيم
  20. محمد عبد المالك
  21. رامي توفيق

أقوال مأثورة

March 20, 2007

و هام بي الأسى كأنى عبلة و الحزن عنتر
كأني حائط كتب عليه : يا أيها المزنوق
طرطر

iRack & iRAN

March 17, 2007

مسخره

الإنتخابات الموريتانيه شغاله

و الحاكم العسكري لم يترشح من أساسه للإنتخابات

و العمليه آخر حلاوة

رئيس اللجنة الوطنية المستقلة للانتخابات في نواذيبو أكد لـ بي بي سي أن اللوائح الانتخابية أعدت وروجعت بشكل جيد وأن جميع الناخبين يعلمون مسبقا أماكن الادلاء بأصواتهم.

وناس مبسوطة

لبعض جلس في مكانه بالصف طلبا للراحة بعد طول انتظار وخاصة العجائز والنساء اللواتي حرصن على المشاركة وكانت لهن صفوف خاصة. وعبر بعض من تحدثت معهم بعد الادلاء بأصواتهم عن ارتياحهم عن سير العملية الانتخابية ورضاهم عن طريقة تنظيمها، وشعورهم بأن اصواتهم ستحترم هذه المرة ليأتي إلى الحكم رئيس ارتضوه لانفسهم.

وناس شهدت للعملية الإنتخابية

وقف المراقبون الدوليون في نواكشوط الانتخابات الرئاسية الموريتانية بأنها كانت حرة ونزيهة في الوقت الذي تتواصل فيه حاليا عملية فرز أصوات أكثر من مليون موريتاني شاركوا في انتخابات أمس الأحد.

و النتيجة طلعت متقاربة و الإنتخابات حتتعاد

تشير هذه النتائج إلى عدة أمور منها أنها اتسمت بالنزاهة والحياد بحيث جاءت النتائج متقاربة إلى حد كبير بين المرشحين الاقوى وهو ما يبدد الشكوك والمزاعم السابقة للمعارضة بدعم المجلس العسكري الحاكم لسيدي ولد الشيخ، فضلا عن إشادة المراقبين.

و دا كلام البى بى سى

ولعل أبرز ما ميز حملة الإنتخابات الرئاسية التي اختتمت أمس هدوؤها الكامل وروح التسامح التي طبعتها وهي مسألة نادرة في بلدان مماثلة
.

فزورة العدد ..يا ترى يقصدوا مين بلفظة “بلدان مماثلة” ؟؟؟

 لاحظوا إن احنا بنتكلم عن موريتانيا ها؟؟ البلد اللى على الشمال و شبه السودان دى

ايوه … هى بعينها

خلينا احنا فى شرب اليوريا ببودرة السيراميك

حلو … مفيد للصحة حسب آخر دراسة لوزارة السحة و الهلكان قسم بير السلم

 

اه يأم الدنيا ؟؟؟

عملوا فيكي ايه ولاد الــ###

بابا قاللى متشتمش حد …. حتى لو كان ابن جذمه

مبروك لموريتانيا و عقبال كل القراء و السامعين يا رب العالمين

آمين

إقبال كبير على الانتخابات الرئاسية الموريتانية

المراقبون: انتخابات موريتانيا حرة ونزيهة

جولة ثانية في انتخابات الرئاسة الموريتانية

الراجل ده مصيبة يا جماعة

المذيع مات و هو بيتكلم 🙂

رابع خبر وفاه أتلقاه فى ثلاثة شهور

و لا أحس باى شىء

الله يرحم الميت و كفى

لا اذهب للعزى

و لا أحزن بأى شكل من الأشكال

يتأثر كل من حولى

و أنا اتلقى الخبر كأى خبر أخر

هل فقدت الإحساس؟؟

أم أننى لم أملكه يوماً؟؟